Eleksyon/Sidès/Bilan

5 Sant vòt kraze nan komin Marigo aprè zak sabotaj, lapolis fè 8 arestasyon pami yo Frantz Moise, kandida depite ADRENA Marigo, 2 zam afe sezi...Daprè yon premye bilan Prezidan Biwo Elektoral Depatmantal(BED) sidès. Kesnel Pétion fè konnen jounen v

Depi byen bonè maten dimanch 9 dawout-la, patizan kandida depite ADRENA nan Marigo kraze sant vòt lekòl nasyonal Peredo-a, bwote bilten ak materyèl sant vòt sa epi boule yo paske selon yo KEP-a pat ba yo manda pou reprezante kandida pa yo-a nan sant vòt sa. Lapolis an reaksyon arete kandida-a Frantz Moise ak 5 patizan li.


Nap souliye, gen kèk iregilarite ak frod kite anrejistre pandan jounen vòt la nan sidès. majorite sant vòt yo pat louvri a 6 zè nan maten, anpil biwo vòt pat fonksyone akòz manke materyel vòt, gen elektè ki pat jwenn non yo nan lis elektoral la e ki pat rive vote. Gen mandatè ak patizan yon seri kandida ki tap oryante vòt elektè yo menm nan izolwa. KEP-a te pran mezi pou entèdi veyikil sikile a 300 mèt sant vòt yo, yon desizyon ki pat respekte.


Gen kèk moun avèk mayo Obsèvatè elektoral, yo idantifye kòm patizan PHTK ki tante vote nan plizyè Sant vòt pandan jounen-an. Se ka pou sant vòt lekòl nasyonal Lamandou nan Jakmel.



Share this post