Bilan Pasaj ERIKA sou Depatman Sidès

Direksyon depatmantal pwoteksyon sivil drese yon premye bilan sou pasaj Tanpèt Tropikal ERIKA sou depatman sidès.

Kòdonatè ekzekitif DPC-a deklare pa gen mò ni blese sepandan li presize gen anpil dega materyèl gwo van ak lapli-a fè pandan sware vandredi 28 pou louvri samdi 29 Out-la.
Pierre Michel Lafontant fè konnen gen 4 kay ki kraze, 3 nan komin marigo, youn nan vil Jakmel. Se pye bwa ki kase tonbe sou yo.

Anpil jaden devaste nan plèn savann Dibwa nan komin marigo kote anpil pye bannann pèdi, daprè mesye Lafontant ki anonse gen mezi ki pran pou akonpaye kiltivatè yo.



Share this post